 கிழக்கு பாலி- சுற்றுலா வழிகாட்டி
East Bali Travel Guide: Besakih, the mother temple of Bali
Author: Xeviro (Creative Commons Attribution ShareAlike 3.0)
Translated into Tamil by Santhipriya : தமிழில் மொழி பெயர்ப்பு : சாந்திப்பிரியா
கிழக்கு பாலிப் (East Bali) பகுதி அற்புதமான மலைகளையும் இயற்கை காட்சிகளையும் கொண்டுள்ளது. இங்கு மிக உயரமான மலை மற்றும் அழகிய சமுத்திரத்தைக் காணலாம். 'குனுங் ஆகுங்' (Gunung Agung) என்கின்ற மலை கடல் மட்டத்தில் இருந்து 3142 மீட்டர் உயரமானது. இந்தப் பகுதியில் உள்ள ஆலயங்களும் மாளிகைகளும் அந்த காலத்தின் கலாசாரத்தை எடுத்துக் காட்டுவதாக அமைந்து உள்ளன.
பூர உலுன் தனு படூர்
Author: 㣠(Creative Commons Attribution ShareAlike 3.0)
கிழக்கு பாலி என்பது 'க்ளுங்குங்' (Klunglung) , 'பாங்க்லி' (Bangli) மற்றும் 'கறங்கசெம்' (Karangasem) போன்ற ராஜ்ய பகுதிகளை (Regencies) உள்ளடக்கியது. அவை முன்னர் மான்னர்களின் ராஜ்யங்களாக இருந்தன. அவர்கள் ஆலயங்கள் மற்றும் மாளிகைகள் எழுப்புவதை முக்கியமாக கொண்டு இருந்தனர். அதனால்தான் இந்தப் பகுதியில் பெரிய ஆலயங்கள் உள்ளன. இங்குள்ள 'பெஸகிஹ்' (Besakih) என்ற ஆலயம் மிக முக்கியத்துவம் வாய்ந்தது.
ஜாவாவில் இருந்து வந்த 'மஜாப்ஹஜீத்' (Majapahit Empire) ராஜ்யத்தில் இருந்து இங்கு பதினாலாம் நூற்றாண்டில் (14th century) வந்து குடியேறிய இந்துக்களினால் இந்துக்களின் புதிய கலாசாரம் பரவத் துவங்கியது. ஆனால் இந்து மதத்தை ஏற்காத 'பாலி ஆகா' (Bali Aga) என்ற பிரிவினர் தம்மை பாலி இன மக்கள் என்றே கூறிக்கொண்டார்கள். தற்போது அவர்கள் கிழக்கு பாலியின் 'டென்கனன்' (Tenganan) மற்றும் 'த்ருன்யன்' (Trunyan) போன்ற பகுதிகளில் வசிக்கிறார்கள்.
'க்ளுங்குங்' ராஜ்யத்தினர் 1908 ஆம் ஆண்டு அவர்கள் மீது படை எடுத்த 'டச்' ராஜ்யத்தினருக்கு அடிமை ஆகாமல் இருக்க 'புபுடன்' (puputan) என்ற பெயரில் கூட்டு தற்கொலை (ritual suicide) செய்து கொண்டதுடன் அவர்களின் ஆட்சி முடிவுக்கு வந்தது. அவர்கள் மறைந்து போனாலும் அவர்களது ஆட்சியை காட்டும் விதத்தில் பல நினைவுச் சின்னங்கள் கிடைத்து உள்ளன.
கிண்டாமணி எனும் இடத்தில் இருந்துப் பார்த்தால் தெரியும் படூர் ஏரி (18 June, 2004)
© Timothy Tye using this photo
கிண்டாமணியில் உணவு (18 June, 2004)
© Timothy Tye using this photo
|
|
